The Sacred Heart Sodality.

HISTORY OF THE SACRED HEART- ST CONDRADS PARISH

TSHIMOLOGO YA KOPANO YA PELO EE BOITSHEPO SEGOLO YA GA JESU

E rile ka ngwaga wa 1986 late bishop Boniface Tshosa Setlalekgosi a tla mo St Condrads parish a tsile go rolela phuthego ka kopano e ncha ya Pelo ee boitshepo segolo ya Jesu. Bishop one a tlhalosa fa kopano e ele ya borre fela.

Bishop one a tlhalosa fa kopano e ele ya boutlwelo botlhoko, go rera efangele ya modimo, le go isa lorato le kagiso ko bathong. Morago ga tsiboso e Borre ba le batlhano bane ba ikwadisa go nna mo bakokoti, ebong:

1. Rre Clement Mokgweetsi

2. Rre Jacob Mokgatle

3. Rre Solly Matsake

4. Rre Thennison Molatlhwa

5. Rre Kabelo Ramokhua

Rre Clement Mokgweetsi one a tlhopiwa go etelele kopano pele ele modulasetilo mo St Condrads Parish. E rile ba tsweletse ka ithuthuntsho ya bone ga tla Rre Mothibi a tswa ko St Theresa (Lobatse) ene ele mopelo yoo apereng, a aparetse ko South Africa. Rre Mothibi aba thusa ka go ba rutuntsha ka tsa bokokoti mo St Condrads parish. Morago ga go tsenelela dithuto Ntlokgolo ene ya rulaganyana dikapeso mme di ne tsa ya go tshwarelwa ko Lobatse (St Theresa) mme maloko a St Condrads parish ba ne ba seka ba apesiwa ka parish priest wa nako eo Rara Patrick ane a sa rerisiwa ka kopano.

E rile ka ngwaga wa 1987 Rara Columba a hudisediwa mo St Condrads Parish go tswa Kgalagadi mme borara jo boneng bo buile ko dikapesong ba feta ba ithola mo ene. Rara Columba one a rebola gore kopano e tswelele, mme ga tla le borara go tswa ko St Bernards parish. Ka ngwaga wa 1988 Bomme le bone ba ne ba fiwa tshono ya go tsena mo kopanong ya Pelo ee Boitshepo segolo ya ga Jesu, ke gone go bo go simolola bokokoti jo bo sha.

Ka ngwaga wa 1991 ka November ga apesiwa maloko ale 70 fa ba le 30 ene ele maloko go tswa mo St Condrads parish, ba ne apesiwa ke ntlokgolo ya Rustenburg mo St Condrads parish.

Ka nako eo Rre Mothibi ene ele ene moetelepedi wa Diocese ya Botswana.